Dikur me skafe shkohej drejt Italisë, por tani shqiptarët po i përdorin mjetet e vjetra për rrugë të reja… në Lamansh drejt Britanisë.
Shqiptarët të cilët tentojnë futjen në Angli janë duke i paguar trafikantëve shuma marramendëse.
Çmimet dhe ofertat për hyrje ilegale reklamohen masivisht nga trafikantët në Instagram dhe “Tik Tok”.
“Top Channel” përmes një kërkimi të shpejtë në këto rrjete sociale zbuloi çmimet e trafikimit drejt shtetit ishull. Një shqiptari që ëndërron mbërritjen në Angli nëse do të zgjedhë të shkojë me metodën klasike përmes kamionit, duhet të paguaj 15.000 deri 20.000 stërlina.
Muajt e fundit trafikantët shqiptarë në Francë ofrojnë çmime nga 5 deri në 9 mijë sterlina, për kalimin e shqiptarëve me gomone.
Falë çmimit tre herë më të lirë se sa ai me kamion, janë të shumtë shqiptarët që zgjedhin këtë mënyrë mbërritje në Angli.
Kjo video në “Tik Tok” tregon kalimin me gomone të disa shqiptarëve drejt Anglisë dhe mban mbishkrimin: “Sot kaluam me Sukses”.
Andi Mahila, Zv.ministër i Punëve të Brendshme, i tha komisionit parlamentar të sigurisë se, Britania e Madhe nga viti 2017 deri në Nëntor 2021, dëboi përmes fluturimeve ajrore 5191 shtetas shqiptarë.
SHQIPTARË DËBUAR NGA ANGLIA 2017-2021
2017-1538
2018-1617
2019-883
2020-584
2021-569
Po për të njëjtën periudhë kohe janë dëbuar 52 minoren.
MINORENË SHQIPTARË DËBUAR NGA ANGLIA 2018-2021
2018-4
2019-16
2020-29
2021-3
Gjatë viteve 2014-2020 Ambasada Britanike në tiranë nga autoritetet policore shqiptare të kufirit, kërkoi verifikimin e 6.377 personave për llogari të agjencisë britanike të emigracionit.
KËRKESA VERIFIKIMI NGA AMBASADA BRITANIKE NË TIRANË
2014-740
2015-1331
2016-1578
2017-1046
2018-1319
2019-300
2020-63
/Priza.al/
