Një familje në Indi dërgoi një nga pjesëtaret e shtëpisë me urgjencë në spitalin lokal “Kollam’ në shtetin jugor indian të Kerala, por 25-vjeçarja tashmë kishte vdekur.
Autopsia konfirmoi se ajo ishte kafshuar disa orë më parë nga një kobër indiane me “syze” shumë helmuese, sipas dokumenteve të gjykatës. Nëna e Uthra-s e gjeti vajzën e saj të shtrirë pa lëvizur në shtrat në shtëpi, me krahun e majtë të mbushur me gjak.
Pas një gjyqi që u bë, vrasësi i Uthrës u shpall fajtor dhe u dënua me burgim të përjetshëm për krime që gjyqtari i quajti “djallëzore dhe të kobshme”.
Gjykatësi zbuloi se vdekja e Uthrës ishte shkaktuar nga kobra , por vrasësi i vërtetë ishte burri i saj. Dhe nuk ishte hera e parë që ai përdorte një gjarpër si armë. Në fund të vitit 2019, Kumar u duk se kishte një obsesion me gjarpërinjtë. Ai kaloi orë të tëra në internet, duke parë video në YouTube, duke përfshirë episodet e “Snake Master”, ku shfaqej ekspertja e njohur e gjarpërinjve Vava Suresh. Teksa e shqoja flinte, Kumar e detyroi nepërkën ta kafshonte përpara se ta hidhte gjarprin nga shtëpia për të shkatërruar provat. Megjithatë Uthra shpëtoi.
Ai nuk u dorëzua. Vetëm15 ditë pasi ajo ishte larguar nga spitali, ai kontrabandoi një gjarpër tjetër që e kishte blerë nga mbajtësi i gjarpërinjve Chavarukavu Suresh në shtëpinë e prindërve të saj. Këtë herë ishte një kobër. Para se të shkonte në shtrat, Kumar i dha Uthrës një gotë lëng të mbushur me qetësues. Ndërsa ajo flinte, Kumar e hodhi gjarprin drejt saj, por zvarraniku nuk kafshoi, kështu që ai e kapi kokën dhe ia futi dhëmbët thellë në krahun e majtë, dy herë.
Pavarësisht përpjekjeve të tij për ta bërë atë të duket si një aksident, një sërë të dhënash sugjeruan se kafshimet nuk ishin të natyrshme nga gjerësia e shenjave të këpurdhave, te pozicioni i kafshimit dhe pamundësia që kobra kishte hyrë në dhomë vetë.
/Priza.al/
