Një aksident i rëndë është regjistruar në lagjen “Çelepias” në Berat, në vendin e quajtur “Rrethrrotullimi i Ipsilonit”.
Një motomjet ka humbur kontrollin dhe ka hipur mbi trotuarin në anë të rrugës duke goditur e marrë zvarrë një kalimtar të rastit. Si pasojë e aksidentit, janë plagosur rëndë kalimtari Fejzi Skurrani dhe drejtuesi i motomjetit Shkëlqim Plakalliu.
Të dy të plagosurit janë transportuar drejt Spitalit të Traumës në Tiranë.
Policia ndodhet në vendngjarje për të zbuluar shkaqet dhe dinamikën e aksidentit të rëndë.
/Priza.al/
