Një ngjarje e rëndë është kallëzuar në polici ditën e sotme ku një 45-vjeçar është arresuar, pasi akuzohet të ketë përdhunuar nipin e tij nga Berati në banesë.
Policia ka bërë me dije detaje të reja ku autori Belul Kokollari e ka kryer përdhunimin në shtëpinë e tij në Priren rreth një muaj më parë. I mituri kishte shkuar disa ditë me nënën për pushime dhe pikërisht aty ka ndodhur dhe ngjarja e rëndë.
Pas denoncimit të bërë nga fëmija, nga ana e autoriteteve është kryer edhe vizita mjeko-ligjore e të miturit, nga e cila ka rezultuar se fëmija është përdhunuar.
Daja e fëmijës ka filluar afrimitetin me këtë të fundit rreth 1-vit më parë, kur për shkak të një konflikti pronësie që motra kishte me komshiun e saj, ai qëndronte shpesh herë në Berat.
Belul Kokollari u dënua asokohe me 4-muaj burg pasi u akuzua për plagosjen me mjete të forta të djalit të komshiut që konfliktohej me familjen e motrës.
Pika kufitare e Morinës ishte njoftuar për kalimin e tij ditën e sotme, pasi ka qënë pikërisht motra e tij ajo që ka referuar në polici se vëllai i saj do të nisej sot për Shqipëri dhe do të vinte disa ditë për vizitë tek motra. Sipas deponimeve të motrës, ai i kishte thënë se kishte takuar edhe një avokat për të kërkuar pranë Gjykatës së Shkallës së Parë Berat “pafajësinë” në lidhje me dënimim e marrë në vitin 2020.
/Priza.al/
