Një kontrabandist emigrantësh, gjatë një interviste në mediat angleze është ‘mburrur’ se nuk ndjen asnjë faj për faktin se ndërmjetëson për të kaluar emigrantët drejt Britanisë së Madhe, edhe pse kjo do të thotë ti dërgosh drejt një rreziku të madh.
“Nuk më interesojnë vdekjet” , është shprehur ai.
Kjo deklaratë ka ardhur dy ditë pasi në kanalin mes Francës dhe Britanisë së Madhe u gjetën 27 trupa të pajetë.
Ndërmjetësi me origjinë afgane tha se rrjetet e pamëshirshme të trafikimit nuk kujdeseshin për viktimat dhe do të vazhdonin të bënin tregtinë e tyre të ndyrë, pavarësisht rreziqeve të mëdha.
The Sun të dielën u dërgua për të takuar një burrë afgan – i cili e dha emrin e tij vetëm si Bibi – në një kamp në një pyll pranë Dunkirk, në Francën veriore.
Ai u zotua: “Ne do të vazhdojmë të dërgojmë njerëz në Angli, ku ata duan të shkojnë – me anije dhe në mënyra të tjera.
“Njerëzit nuk janë të frikësuar dhe ne do të vazhdojmë të bëjmë atë që bëjmë. Francezët nuk mund dhe nuk do të na ndalojnë. Unë nuk ndihem fajtor dhe nuk më intereson për atë që po bëj. Vdekjet nuk do të më ndalojnë.” tha trafikanti Bibi.
Emigrantët e dëshpëruar kanë filluar t’i përdorin fëmijët si “mburoja njerëzore” – sepse prania e fëmijëve ndalon policët të ndërhyjnë pa shërbime sociale. Disa dyshohet se kanë vjedhur ose blerë foshnja nga të tjerët në kampe;
Disa kanë filluar gjithashtu të ndryshojnë taktikat dhe janë përpjekur të hyjnë fshehurazi në kamionë për shkak të rreziqeve të udhëtimit me varka dhe temperaturave në rënie; Policia identifikoi kombësinë e disa prej viktimave të mbytur nga paratë që kishin marrë me vete nga vendet e tyre të origjinës.
Bibi foli të premten për The Sun, dy ditë pasi gra e fëmijët ishin në mesin e të paktën 27 personave që humbën jetën kur gomonia e tyre u përmbys në ujërat mes Francës dhe Anglisë.
Duke folur për rolin e tij, Bibi tha se ai merr emrat dhe vendndodhjet e atyre që duan të udhëtojnë, plus një depozitë për kalimin e tyre që kushton 2500 £. Njerëzit ishin në kampe të shpërndara rreth zonës në vijën bregdetare të Francës veriore. Më pas ai i prezanton ata me trafikantët dhe i raporton “shefit”.
Kur e pyetëm nëse mund të takoheshim me këtë shef, Bibi bëri një gjest duke nënkuptuar se ai të pret fytin dhe paralajmëroi se ishte “shumë rrezik”.
Emigrantëve të lidhur në Mbretërinë e Bashkuar u thuhet se do të shkojnë në një “hotel” – por kontrabandistët i çojnë në kampe pranë plazheve franceze, ku ata përpiqen të kalojnë nën errësirë.
Edhe pse autoritetet franceze shkatërruan një kamp prej 1500 emigrantësh në Grande Synthe, afër Dunkirkut dy javë më parë, vendbanime të tjera më të vogla janë krijuar në zonë
/Burimi: The Sun/ Përshtati: Priza.al/
