Shumica prej banorëve brenda shtëpisë së BBV janë të bindur se mes Donaldit dhe Beatrixit ka një pëlqim teksa ata po tregojnë një afrimitet të madh me njëri-tjetrin. Këngëtarja dhe aktori nisën që të flirtonin sapo Semi Jaupaj doli përfundimisht nga shtëpia e “Big Brother VIP”. Dyshja kanë disa ditë që duket se qëndrojnë vetëm bashkë, Ata kanë fjetur në krahët e njëri-tjetrit, janë kapur për dore dhe kanë shkëmbyer shikime flirtuese.
Donaldi ka thënë se tërhiqet fizikisht nga artistja, sepse ajo e ka trupin shumë të bukur. Ndërkohë Ramosaj është shprehur se Donaldi është “si rrush”, por nuk dëshiron ende që t’i “vërë vulën” këtij muhabeti. Ndërkohë ditën e sotme, Beniada tha se dyshon që dyshja kanë shkëmbyer një puthje romantike në buzë, gjatë kohës që Beatrix kishte rënë në pishinë.
Pjesë nga biseda:
Antonela: Çfarë ndodhi me ata të dy?
Beniada: Si duket Donaldi i ka thënë ‘të pëlqej Trix’ edhe ndoshta Donaldi ka shkuar e ka puthur. Për mendimin tim nga emocionet që u lagën në ujë dhe u futën në pishinë (momenti kur Beatrix është brenda në pishinë dhe Donaldi i zgjat dorën për ta nxjerrë jashtë e më pas futet edhe ai bashkë me të).
Antonela: A thua?
Beniada: Po, pse jo?!
Dj Dagz: Po bëni skema.
Beniada: Për mua e kanë bërë puthjen aty në ujë dhe ndoshta nga lumturia… Në ato momente je i ngrohtë, nuk e ndjen të ftohtin (në pishinë).
Einxhel: E ke provuar ti?
Beniada: Jo.
Einxhel: Po atëherë?
Beniada: Jo, po imagjinoj.
Einxhel: Thash mos e ke provuar.
Beniada: Jo, me ty ndoshta.
Einxhel: Me mua?! Ku e ke provuar me mua mi? Bashkë s’e kemi provuar ndonjëherë këtë gjë. Unë e kam provuar.
Beniada: E ke provuar?
Einxhel: Po.
Beniada: Edhe unë.
Einxhel: Atëherë pse thua s’e kam provuar?
Beniada: T’i tregoj gjithë botës unë që e kam provuar?
Einxhel: Po s’ka ndonjë gjë të keqe. Je puth në shi e je hedh në ujë.
Beniada: Shi s’kishte, por u hodhëm në ujë. Ishte diell i madh. Ishim shokë, dolëm në kafe. Ishim shokë në fillim. Dolëm me marr rreze në plazh, pastaj ai më puthi në buzë në ujë.
