Droga nga Shqipëria, Puglia dhe Kalabria shitej në Siçili, Lombardi dhe Maltë. 16 persona po hetohen pas operacionit të madh tw zhvilluar nga Guardia di Finanza. Akuza është për bashkim kriminal me qëllim trafikimin dhe shitjen e drogës.
Sipas mediave italiane, në operacionin e koduar “La Valletta”, morën pjesë shumë forca policore dhe hetues. Në vazhdën e këtij aksioni, janë sekuestruar 423 kg drogë, për të cilin dyshohet se janë implikuar shtetas me nënshtetësi italiane, malteze dhe shqiptare.
Sipas mediave, droga dyshohet se vinte nga Shqipëria e Malta e më pas, shpërndahej në zonën e Siçilisë dhe Lombardisë në Itali.
Po ashtu, media në fjalë ka mundur të identifikojë shqiptarët e përfshirë. Bëhet fjalë për, Fatjon Kuka, Emiljano Hoxhaji, Eriseld Hoxhaji dhe Ledi Hoxhaji. Tre shqiptarët, Emiljano, Eriseld dhe Ledi Hoxhaji, kishin në grup, rolin e sigurimit të mallit të sjellë nga Shqipëria.
Ato më pas, ia shisnin personave të tjerë në Itali drogën e siguruar. Nuk bëhet e ditur se si ra në gjurmët e policisë ky grup kriminal, por ajo që nënvizohet, është fakti se hetimet janë zhvilluar në harkun kohor të disa muajve.
Rolet brenda grupit kriminal siç tregohet më poshtë:
Rosario Amico dyshohet seriozisht si promotori i shoqatës, për organizimin e së cilës ka shfrytëzuar kontributin e Pietro Sessa dhe Lucia Amenia, të cilët e kanë ndihmuar në gjetjen dhe blerjen e drogës, sipas prospektit akuzues të pranuar nga gjyqtari hetues.
Eriseld, Ledi dhe Emiljano Hoxhaji konsideroheshin si të dyshuar seriozë si furnizues të qëndrueshëm të lëndës narkotike të llojit marihuanë, të cilën e blinin në Shqipëri dhe ia shisnin Rosario Amico-s të lartpërmendur, i cili me bashkëpunëtorët e tjerë do të merrej me rishitjen e lëndës. tek John Spiteri, që vepron në Maltë.
Kalabrezët Alessandro dhe Giuseppe Agostino, së bashku me Antonio Bevilacqua, u konsideruan të dyshuar seriozisht si furnizues të qëndrueshëm – në disa rrethana të ndihmuar edhe nga Salvatore Agostino dhe Rocco Bevilcqua – të një lënde narkotike si kokaina, marihuana dhe hashashi, e cila do të ishte transportuar. nga Kalabria dhe i shitej, në sasi të mëdha, Rosario Amico-s së lartpërmendur.
Roberto Melfi, i dyshuar seriozisht si blerës i qëndrueshëm i drogës së llojit kokainë, të cilën dyshohet se e rishiste në provincat e Milanos dhe Monzës.
Personat e arrestuar
- Alessandro AGOSTINO;
- Giuseppe AGOSTINO;
- Salvatore AGOSTINO;
- Rosario AMICO;
- Lucia ARMENIA;
- Antonio BEVILACQUA;
- Rocco BEVILACQUA;
- Antonio Salvatore COMMISSO;
- Fatjon CUCA;
- Emiliano HOXHAJ;
- Eriseld HOXHAJI;
- Ledi HOXHAJI;
- Roberto MELFI;
- Pietro SESSA;
- John SPITERI;
/Burimi: catanialive24/ Përshtati: Priza.al/
