Shqipëria është një vend vërtet i bukur dhe shumë zona të sajat konsiderohen si perla të natyrës së Ballkanit.
Por sot revista amerikane “Forbes” ka bërë një listë me 5 vendet natyrore më të bukura në Ballkan, ku nuk ka lënë jashtë kësaj liste as vendin tonë.
“Forbes” ka renditur në listën e ngushtë edhe luginën e Valbonës, si një prej bukurive natyrore më të rralla të Ballkanit. Në artikull, Valbona krahasohet me Zvicrën dhe Austrinë.
“Majat e larta do t’iu sjellin ndërmend vargmalet e Zvicrës apo Austrisë, por në realitet gjenden në veriun e Shqipërisë”,- kështu e fillon shkrimin “Forbes”.
Më tej, Valbona vlerësohet jo vetëm për ekosistemin e mjedisit panoramik nga Dragobia në Valbonë, por parku është edhe shtëpia e shumë kafshëve të egra dhe bimëve endemike.
Shkrimi i plotë:
Majat e larta do t’iu sjellin ndërmend vargmalet e Zvicrës apo Austrisë, por në realitet gjenden në veriun e Shqipërisë. Nuk mungojnë fshatrat panoramikë për t’u eksploruar në të gjithë Luginën e Valbonës, duke filluar nga Dragobia në Valbonë, por ky park ikonik është shtëpia e shumë më tepër sesa thjesht njerëzve.
Biodiversiteti i pasur i gadishullit të Ballkanit Perëndimor shfaqet plotësisht këtu, me arinj të murrmë, dhi të egër dhe të gjithë e quajnë parkun shtëpi.
Në listën me bukuritë natyrore të Ballkani bënin pjesë, Liqeni Kerkini në Greqi, Parku kombëtar i Pirin në Bullgari, Parku Kombëtar i Tara-s, Lugina e Valbonës në Shqipëri dhe Parku Kombëtar i Una-s në Bosnjë dhe Hercegovinë.
/Priza.al/
