Është zbuluar identiteti i 17-vjeçarit që humbi jetën në një aksident në Bulqizë. Florian Pupuleku ishte nxënës në shkollën e Mesme Teknologjike “Hysen Çela” në Durrës. Në faqen e saj zyrtare, shkolla e të riut ka shprehur ngushëllimet për vdekjen e senatorit të klasës XII-U1.
Me keqardhje japim lajmin e hidhur se nxenesi i shkolles tone, senatori i klases se XII-U1 Florian Pupuleku ka humbur jeten ne nje aksident tragjik. Stafi dhe nxenesit e shkolles i shprehin ngushellimet familjes dhe shokeve. Qofte i xhehnetit dhe zoti i dhente force familjes.
I riu nuk mundi t’i mbijetonte dot plagëve që mori në aksident, ndërsa i plagosur mbeti Ervis Terziu. Dyshimet e para të policisë në lidhje me këtë ngjarje të rëndë mendohet të jetë bërë lagështira në rrugë, por dhe shpejtësia nga ana e drejtuesit të automjetit.
Ndërkohë grupi hetimor është duke vijuar hetimet për zbardhjen e shkaqeve të aksidentit.
/Priza.al/
