Moti i keq që ka përshirë vendin tonë ka sjellë problematikat e para në disa qytete. Në Durrës dhe Vlorë janë shfaqur vështirësi me ankorimin dhe nisjen e trageteve. Në zonat malore të Shkodrës janë hasur probleme në akset rrugore, ndërsa banorët e Nënshkodrës janë me sytë nga kaskada e Drinit.
Nëse prurjet rriten, hapja e portave të shkarkimit është e pashmangshme. Të dhënat tregojnë se aktualisht nuk ka gjasë të vendoset një hapje e portave, por asgjë nuk përjashtohet me shtimin e reshjeve. Problematike aktualisht paraqitet në rrugën e Thethit për shkak të reshjeve të dëborës.
Edhe në juglindje, në aksin Shtyllë-Panarit paraqiten vështirësi dhe problematika në rrugë.
/Priza.al/
