Doktorët arrijnë të zgjidhin problemin e madh që një pacient kishte me frymëmarrjen pasi gjetën një dhëmb që po rritej brenda në hundë. Kjo anomali kishte shkaktuar pengesa në rrjedhjen e oksigjenit duke shkaktuar edhe vështirësi në frymëmarrje.
Mjekët e 38-vjeçarit raportuan zbulimin e rrallë në një studim të botuar në Neq England Journal of Medicine të enjten, 2 dhjetor.
Pacienti tha se kishte vizituar një klinikë të veshit, hundës dhe fytit në një spital të Nju Jorkut pasi kishte pasur vështirësi në frymëmarrje përmes vrimës së djathtë të hundës, një kompleksitet me të cilin kishte luftuar për disa vite.
Ekzaminimi fizik zbuloi devijimin në septumin e saj – kërci që ndan dy vrimat e hundës – thanë mjekët në studim. Ekzaminimi zbuloi gjithashtu një perforim 2 cm të gjatë në pjesën e pasme të septumit dhe pengesa të kalcifikuara.
Një rinoskopi – një procedurë për ekzaminimin e hundës – zbuloi një “gungë të bardhë të fortë, jo të butë” në dyshemenë e vrimës së djathtë të hundës. Më pas një tjetër grafi zbuloi dhëmbin ektopik të përmbysur” në zgavrën e djathtë të hundës.
Dhëmbi i këtij pacienti, me gjatësi 14 mm, u hoq me operacion.
Mjekët theksuan se vështirësia në frymëmarrje e pacientit u zgjidh pas një ekzaminimi pasues tre muaj pas operacionit.
Dhëmbët ektopikë janë ata që nuk marrin kursin e tyre të zakonshëm por gjenden duke u rritur në vende ku nuk supozohet të jenë.
Ndonjëherë dhëmbët e përhershëm të të rriturve mund të rriten gjatë procesit të zëvendësimit të dhëmbit të qumështit dhe dhëmbi i qumështit mund të përfundojë në një pozicion të vështirë brenda gojës.
Anomalitë në ritmin e rritjes së nofullës ose në pozicionin e dhëmbëve të tjerë gjithashtu mund të kontribuojnë në këtë problem.
/Priza.al/
