Mbi 100 persona besohet se humbën jetën nga 30 tornadot, që goditën mbi pesë shtete amerikane gjatë të premtes dhe shtunës. Guvernatori Andy Beshear tha se kjo ishte ngjarja më shkatërruese në historinë e shtetit, me të paktën 80 vdekje të konfirmuara.
Katërmbëdhjetë vdekje janë raportuar në katër shtete të tjera. Presidenti Joe Biden ka shpallur gjendjen e fatkeqësi së madhe federale në Kentaki dhe ka urdhëruar që ndihma federale të vihet në dispozicion për zonat më të goditura.
Në mesin e objekteve që e pësuan keq nga erërat e forta që frynin mbi 300 kilometra në orë në Kentucky, ishte fabrika e qirinjve, shtëpia e të moshuarve në Arkansas dhe një depo e Amazon në pjesën perëndimore të Illinois. Imazhet satelitore tregojnë shkallën shkatërruese të tornadove, që morën gjithçka që u dilte përpara.
