Kreu i Grupit Parlamentar të PS, Taulant Balla, komentoi nga Fieri situatën e krijuar brenda Partisë Demokratike. Balla u shpreh se agjenda e brendshme e PD nuk mund të jetë agjenda e Shqipërisë.
Ai iu bën thirrje shqiptarëve që të kenë më pak vëmendje se çfarë ndodh te dyert e selisë blu.
“Agjenda e brendshme e PD nuk mund të jetë agjenda e Shqipërisë. Debati i brendshëm i një partie politike nuk mund kurrsesi të kthehet në një debat të çështjes kombëtare.
Shqipëria ka nevojë për punë dhe ne jemi duke investuar në një sektor vital për ekonominë e vendit. Do ju ftoja të keni më pak vëmendje se çfarë ndodh tek dyert e SHQUP-it dhe të keni më shumë vëmendje çfarë ndodh tek dyert e shkollave në Shqipëri që po rikonstruktohen”, u shpreh Balla.
/Priza.al/
