‘Don’t Look Up’, filmi më i fundit i Netflix ku luajnë aktorët më të mirë të Hollywood-it po thyen rekorde shikueshmërie.
Filmi ku në role kryesore luajnë Leonardo DiCaprio dhe Jennifer Lawrence është bërë një nga filmat më të shikuar në gjuhën angleze në Netflix.
Në dy ditët e parë të publikimit, filmi tërhoqi 111.3 milionë orë shikime dhe debutoi në listën e 10 filmave më të mirë të Netflix në 94 vende. Tani filmi renditet i treti si më i shikuari i të gjitha kohërave në platformë.
‘Don’t Look Up’ i cili përmban një kast aktorësh të mëdhenj duke përfshirë Meryl Streep, Jonah Hill, Cate Blanchett dhe Timothee Chalamet duket se ka rrëmbyer menjëherë zemrat e publikut . Filmi u shfaq për herë të parë në kinema më 10 dhjetor përpara se të debutonte në Netflix më 24 dhjetor.
/Priza.al/
