Një aksident ka ndodhur sot në aksin rrugor Brezovicë-Shtërpcë në Kosovë. Dy makina janë përplasur me njëra-tjetrën duke lënë të plagosur 6 persona.
Zëdhënësi i Policisë për rajonin e Ferizajt, Kanun Veseli tha se pesë prej tyre janë dërguar për trajtim të mëtejshëm mjekësor në Qendrën Emergjente në Ferizaj, ndërsa njëri është dërguar në QKUK (Qendra Klinike Universitare e Kosovës) në Prishtinë.
“Sot rreth orës 09:00 në rrugën Brezovicë – Shterpcë , ka ndodhur një aksident komunikacioni në mes dy automjeteve të udhëtarëve me targa vendore, përvec dëmeve të shkaktuara materiale, lëndime trupore kanë pësuar 6 persona të cilet pasi kanë pranuar ndihmën mjekësore në Shtërpcë, janë dërguar për tretman të mëtutjeshëm mjekësorë në Qendrën Emeregjente në Ferizaj. Pesë persona prej tyre po trajtohen në Ferizaj , ndërsa njeri është dërguar në QKUK – Prishtinë. Njësia e Komunikacionit rrugor po e heton rastin!”, u shpreh Veseli.
/Priza.al/
