Momente ankthi dhe paniku kanë qenë ato kur një aeroplan i vogël është ulur aksidentalisht mbi shinat e trenit përgjatë hekurudhës dhe sa hap e mbyll sytë lokomotiva e ka përfshirë duke e “shqyer” mjetin e vogël ajror.
Videoja dramatike që tashmë po bën xhiron e mediave ndërkombëtare, tregon tentativën në ankth të disa agjentëve të policisë, për të një nxjerrë një pilot nga avioni, pasi kishte bërë një ulje emergjente mbi shinat e trenit.
Ngjarja ka ndodhur në Los Anxhelos, SHBA, ditën e djeshme. Policia dhe piloti ishin shumë pranë linjës, kur treni i shpejtësisë së lartë po kalonte.
“Avioni nuk arrit të ngrihej dhe u detyrua të bënte një ulje emergjente, duke përfunduar në një kryqëzim të ngarkuar”,- është shprehur një 21-vjeçar që xhiroi videon duke shtuar më tej: “Disa sekonda para se treni të godiste avionin, policia e shpëtoi pilotin”.
Sipas mediave lokale, piloti ka marrë trajtimin e duhur mjekësor dhe është në gjendje të qëndrueshme.
Drejtoria e Përgjithshme e Policisë së Los Angelos-it vlerësoi “heroizmin” dhe “aksionin e shpejtë” të njerëzve të saj, të cilët “i shpëtuan jetën” pilotit.
Agjentët që mbërritën menjëherë në vend, arritën që të nxjerrin në kohë rekord pilotin e bllokuar në kabinën e dëmtuar të avionit të vogël, pas një ule emergjente që bëri mbi shinat e trenit.
Videoja tregon se ndërhyrja e shpejtë e policisë ishte vendimtare për shpëtimin e jetës së pilotit, pasi brenda pak sekondash avioni i dëmtuar u godit nga treni.
/Burimi: Daily Mail/Përshtati: Priza.al/
