Një moment emocionues sa edhe qesharak është kapur me kamerë amatore, ku shfaq një baba i cili nuk mund të kontrollonte emocionet nga gëzimi, kur e kupton se gruaja e kishte befasuar duke i dhuruar veturën e ëndrrave për festën e Krishtlindjeve.
Pasi nxori nga “çorapa” çelësat, Jimmy Green, 45-vjeç, bërtiti: “Më ke blerë Mustang” – duke mos mundur të ndalet së vrapuari në drejtim të garazhit.
Pasi del jashtë nuk mund të ndalte lotët e gëzimit, e familjarët e tij të gëzuar qeshnin tërë kohën. Videoja është realizuar në ditën kur po festohej Krishtlindja në ambientet familjare në Centerton të Arkansasit.
Pas publikimit të videos në TikTok, mori mbi 13 milionë shikime dhe mijëra pëlqime – ku për pak orë edhe u bë virale.
Sipas Jimmy, një Mustang GT ka qenë gjithmonë makina e tij e ëndrrave, por ai kurrë nuk e kishte menduar se do të kishte një shans për të zotëruar një të tillë.
Por për Krishtlindje, gruaja e Jimmy-t, Amy, 43 vjeç, gjeti një listë aty pranë nga një çift që kërkonin ta shisnin një të tillë.
Amy bleu makinën dhe e fshehu në garazhin e fqinjit të tyre për më shumë se një javë.
Duke folur në TikTok për dhuratën, ajo tha: “Ka pasur Krishtlindje ku [Jimmy] shkoi pa asgjë dhe punoi dy ose tre punë vetëm që vajza jonë të kishte një Krishtlindje të mrekullueshme.
Pra, kjo ishte vetëm mënyra ime për t’i treguar atij se e duam aq shumë.
/Burimi: Daily Mail/ Përshtati: Priza.al/
