Kuvendi i Maqedonisë së Veriut i dha mbrëmë mbështetjen Qeverisë së propozuar nga Dimitar Kovaçevski. Gjysmë ore para mesnate, 62 deputetë votuan pro kabinetit të ri, 46 kundër, ndërsa nuk pati abstenime.
Qeveria e re ka 21 anëtarë, 17 ministra dhe katër zëvendëskryeministra. Njëmbëdhjetë anëtarë të Qeverisë janë maqedonas, ndërsa dhjetë shqiptarë.
Votimi i qeverisë së re vjen pasi Zoran Zaev dha në tetor të vitit të kaluar dorëheqje, pas humbjes në zgjedhjet lokale.
Dimitar Kovaçevski në fjalimin e tij të fundit para se të merrte mbështetjen e deputetëve tha:
‘Qeveria ka legjitimitet të pakontestueshëm sidomos me zgjerimin e deputetëve shumica është e sigurt. Zgjedhje do të ketë, por në vitin 2024, prej sot filloj punën dhe takimin e parë do ta kem me ambasadoren gjermane, ndërsa të martën do të takohem me kryeministrin bullgar Petkov, nga i cili do të kërkojë mbështetje për popullin e Maqedonisë dhe zgjidhje’.
Kovaçevski kërkoi të lënë ndarjet partiake dhe etnike dhe të bashkohen në interes së qytetarëve”.
/Priza.al/
