Një 60-vjeçar i cili u godit me thikë pas një sherri për pronat, mësohet se ka ndërruar jetë në spital. Ilir Ruca, i cili u plagos me thikë ditën e sotme në Gjirokastër, nuk ka mundur t’i mbijetonte plagëve, ndërsa ndërroi jetë në spital.
Ngjarja e rëndë ndodhi rreth orës 13:10, në lagjen “Pazari i Vjetër”, ku Ruca u konfliktua për motive pronësie me 57-vjeçarin me inicialet A. N.
Fillimisht ata janë konfliktuar verbalisht me njëri-tjetrin, ndërsa më pas 57-vjeçari ka marrë thikën dhe ka goditur 60-vjeçarin.
