Keqtrajtimi i femrës është një problem mjaft i madh social që vazhdon të ushtrohet fatkeqësisht në të gjithë botën e nga persona të cilët kanë një mendësi të zhvilluar e kanë arritur pozicione të larta profesionale në fusha të ndryshme.
Sulmuesi i Manchester United Mason Greenwood, akuzohet nga ish e dashura e tij, Harriet Robson për abuzim seksual dhe keqtrajtim. Robson shpërndau në rrjetet sociale një video ku shfaqet me buzë të gjakosura dhe të mavijosura si dhe shenja në të gjithë trupin.
“Për këdo që dëshiron të dijë se çfarë më bën në të vërtetë Mason Greenëood”, shkruante në videon e saj vajza.
Policia nisi hetimet ndaj futbollistit, ndërsa Djajtë e Kuq preferuan të mos komentojnë historinë: “Presim rezultatin e hetimit. Klubi nuk pranon asnjë lloj dhune”.
