Policia e Beratit ka arrestuar 3 tw rinj, pas njw operacioni ‘Osumi’ tw zhvilluar nw qytetin e Beratit, ku u sekuestruan një sasi droge e llojit heroinë dhe metadon.
Sipas burimeve zyrtare tre të rinjtë në bashkëpunim me njëri tjetrin shpërndanin drogë në doza të vogla në qytetin e gurtë, ndërsa njërit prej të arrestuarve pas konrollit në banesë iu gjetën dhe disa doza të 2 llojeve të drogave.
Njoftimi i policisë:
Finalizohet një tjetër operacion policor, i koduar “Osumi”, për goditjen e veprimtarisë kriminale në fushën e shpërndarjes së drogave të forta.
Ushtronin aktivitetin kriminal të shpërndarjes së drogave të forta, vihen në pranga 3 shtetas.
Sekuestrohen një sasi lënde narkotike heroinë dhe metadon.
Specialistët e Seksionit për Hetimin e Narkotikëve në DVP Berat, në vijim të punës për parandalimin dhe goditjen e veprimtarisë kriminale në fushën e shpërndarjes së drogave të forta në doza të vogla, bazuar dhe në informacionet e marra në rrugë operative se tre të rinj ushtronin këtë aktivitet kriminal në qytetin e Beratit, organizuan dhe finalizuan operacionin policor të koduar “Osumi”.
Në kuadër të operacionit u kapën dhe u vunë në pranga për veprën penale “Prodhimi dhe shitja e narkotikëve”, kryer në bashkëpunim, shtetasit:
- T., 26 vjeç, E. E., 31 vjeç dhe E. M., 30 vjeç, të tre banues në lagjen “30 Vjetori”, Berat.
Këta shtetas, në bashkëpunim me njëri-tjetrin, në periudha dhe vende të ndryshme në qarkun e Beratit, kanë ushtruar veprimtarinë kriminale të shpërndarjes së drogave të forta në doza të vogla.
Gjatë kontrollit të ushtruar në banesën e marrë me qira nga shtetasi E. M., Policia gjeti dhe sekuestroi një sasi heroine në doza dhe një sasi metadoni.
Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme
/Priza.al
