Detaje të reja vijnë nga atentati në Papër të Elbasanit ku dyshohet se ka mbatur i plagosur një person.
Në makinën tip “BMW” e cila u gjet pak metra nga vendi i ngjarjes e bërë “shoshë” nga plumbat është gjetur një armë tip “kallashnikov” dhe 5 litra benzin.
Sipas policisë “BMW” është nisur për atentat por ka dështuar, gjithashtu mjeti është tentuar të digjet por nuk kanë arritur pasi policia ka qenë pak metra larg, raporton Priza.al.
Mësohet se është duke u bërë analizimi i 8 njollave të gjakut dhe burimet për Priza.al raportojnë se i plagosuri dyshohet se është i shumëkërkuari, Talo Çela.
Mjeti tip “BMW” është qëlluar nga një tjetër mjet në lëvizje, duke bërë shkëmbim armësh. /Priza.al
19:43 Atentati në Elbasan ka lënë të plagosur të paktën një person, lindin dyshime të tjera
Atentati i ndodhur pranë fshatit Papër në Elbasan, mësohet se ka lënë të plagosur të paktën një person.
Një automjet tip “BMW” është qëlluar me armë kallashnikov nga një automjet tjetër në lëvizje.
BMË u gjet pak metra poshtë urës së Zezë në Papër e bërë “shoshë” nga plumbat dhe e braktisur. Brenda daj u gjet një armë tip “kallashnikov” dhe një bidon me 5 litra benzin.
Gjithashtu dyshohet se mund të ketë pasur shkëmbim zjarri mes dy persona të shumë kërkuar nga policia./abcnews.al
19:15 Ngjarja në Elbasan “ngre” në këmbë forcat RENEA, BMW-ja bëhet “shoshë”
Ngjarja e cila ndodhi pak më parë në Elbasan ka ngritur në këmbë autoritetet. Pasi në vendngjarje mbërriti drejtori i policisë së Elbasanit, tanimë janë bashkuar edhe forcat RENEA.
Mjeti tip “BMW” i cili u gjet pak metra poshtë urës së Zezë në Papër është qëlluar më shumë se 20 herë nga një mjet tjetër në lëvizje.
Plumbat e kallashnikovit kanë përshkruar të gjithë mjetin i cili është gjetur i braktisur, me 5 litra benzin brenda.
Mësohet se në atë zonë kanë ndodhur edhe atentate të tjera. /Priza.al
18:48 DETAJE/ Atentati në Elbasan, gjendet një armë tip “kallashnikov” në “BMW”
Si pasojë e këtij atentati nuk dihet ende nëse ka të lënduar, teksa uniformat blu po krehin zonën.
Makina e shenjestruar tip “BMW” është gjetur pak metra poshtë urës së Zeza e braktisur. Policia raporton se makina ka targa të vjedhura, ndërsa brenda saj është gjetur një kallashnikov.
Mësohet po ashtu se makina tip “BMW” është goditur nga një tjetër makinë në lëvizje. /Priza.al
16:43 Atentati në Elbasan, gjendet makina e shenjestruar tip “BMW”
Pak minutat pas atentatit në Elbasan, në zonën e Paprit, ku nuk dihet ende nëse ka të lënduar apo, policia ka gjetur makinën tip “BMW” i cila ka qenë e shënjestruar.
Makina është gjetur pak metra poshtë urës së zezë.
Mësohet se në vendngjarje ka mbërritur edhe drejtori i policisë së Elbasanit, Ardian Çipa.
Makina është më targa të vjedhura në Durrës. /Priza.al
18:22 VIDEO/ “Kërcet” arma në Elbasan, detajet e para
Në Elbasan, pranë fshatit Papër janë dëgjuar të shtëna me armë.
Në Urën e Zezë e cila të lidhë dhe me qytetin e Cerrikut nje automjet në lëvizje është qëlluar.
Deri më tani nuk ka shkuar asnjë person i lënduar në spital, policia ka rrethuar zonën.
Në vend ngjarje ka gëzhoja dhe xhama të thyer.
Policia e Elbasanit ka ngritur postoblloqe në hyrje të qytetit në Bradashesh.
Njoftimi policisë:
Elbasan/ Informacion paraprak
Rreth orës 17:35, në aksin rrugor Elbasan-Peqin, në rrethana ende të paqarta, dyshohet se është qëlluar me armë zjarri në drejtim të një mjeti tip BMW, targat e të cilit rezultojnë të vjedhura në Durrës, në prill të vitit 2021.
Personat që kanë qenë në mjetin tip BMW, e kanë brakisur mjetin dhe janë larguar.
Shërbimet e Policisë ndodhen në vendngjarje dhe po krehin zonën me qëllim kapjen e personave të përshirë në këtë ngjarje.
Grupi hetimor, nën drejtimin e Prokurorisë, po vijon punën për sqarimin e rrethanave të ngjarjes, identifikimin dhe kapjen e autorëve./Priza.al
