Nuredin Dumani, i kërkuar nga policia për vrasje është arrestuar këtë mbrëmje nga forcat policore në urgjencën e spitalit të Fierit, ku kishte shkuar për të marrë ndihmë mjekësore. Mësohet se ai ka marrë një plumb në shtyllën kurrizore pas përplasjes me armë që ndodhi më herët gjatë ditës së sotme në Papër të Elbasanit. Në momentin e arrestimit , Dumani ka qenë i plagosur dhe i armatosur por nuk ka treguar rezistencë ndaj forcave të rendit. Sipas raportimeve paraprake i akuzuari dyshohet se ka qëlluar në drejtim të Talo Celës, një tjetër i shumëkërkuar nga policia shqiptare./Priza.al
