Një operacion policor ka goditur skemën e korrupsionit në Drejtorinë e Kufirit në Kukës duke çuar në pranga 17 efektivë, 14 në arrest shtëpie dhe 3 të tjerë të pezulluar. Lidhur me këtë ka ardhur reagimi i ministrit Bledi Çuçi.
Postimi i Çuçit
Përgëzime Agjencisë së Mbikëqyrjes Policore (ish SHÇBA) për hetimin profesional që çoi në pranga dhjetra punonjës policie të Pikës Kufitare në Morinë. Ishte një hetim model për ndëshkimin e korrupsionit dhe shpërdorimit të detyrës. Jemi të vendosur për të pastruar Policinë e Shtetit nga punonjësit e korruptuar, për të cilët s’ka vend në radhët e kësaj trupe.
