Pas zgjedhjeve të 25 prillit, në media filloi të flitej për një përplasje mes Erion Veliajt dhe Belinda Ballukut, se cili ishte i “preferuari” i Ramës mes tyre, e rrjedhimisht do të ishte një kandidat pretendent për pasardhësin e kryeministrit aktual në krye të PS.
Pasi Kongresi i sotëm përfundoi procedurat kryesore të përcaktuar në axhendë, kryetari i Bashkisë së Tiranës Erion Veliaj, ka publikuar një foto me Ministren e Energjisë dhe Infrastrukturës Belinda Balluku.
Me anë të një postimi në “facebook” Veliaj shkruan se ka dalë foto më “ motrën e tij” dhe gjithashtu ka shkruar një shprehje tironse: “Kush na ka inot, kshu na paftë përnot”, duke i dhënë kështu një përgjigje zërave dhe hamendësimeve për një përplasje me tyre.
Postim i Veliajt:
Me motrën e lalit vet Belinda Balluku dhe si thonë tironcit: Kush na ka inot, kshu na paftë përnot.
