Është shkrumbuar gjatë natës totalisht makina e kryetarit të grup-seksionit të Partisë Demokratike në Shelqet të Bashkisë së Vaut të Dejës, Ariston Drini.
Makina e tij mendohet të jetë djegur rreth orës 01.30 të mëngjesit të sotëm.
Makina e djegur, është e tipit “Fuoristradë Ford”, ndërsa pronari i mjetit ka deklaruar se fillimisht ka dëgjuar një shpërthim, e më pas ka parë automjetin në flakë.
Drini ka deklaruar se, ka dëgjuar fillimisht një shpërthim e më pas ka parë automjetin në flakë.
Automjeti ka qenë i parkuar para banesës. Policia dhe grupi hetimor ishin në vendngjarje ndërsa kanë marrë dëshminë e Ariston Drinit.
Ai ka mohuar të kishte konflikte apo probleme. Ndërsa policia mes pistave të hetimit ka edhe atë të konflikteve për shkak të fushatës elektorale.
/Priza.al/
