Një 35-vjeçar është vendosur nën hetim nga policia pasi ka futur kontrabandë disa aparate celularë.
Sipas bluve të kryeqytetit, shtetasit me iniciale D.R. i janë gjetur në dyqanin e tij, 8 celularë për të cilat nuk kishte faturë tatimore.
Njoftimi:
Tregtonte aparate celulare, të dyshuar kontrabandë, procedohet penalisht një shtetas.
Specialistët e Sektorit për Hetimin e Krimit Ekonomik dhe Financiar proceduan penalisht shtetasin D. R., 35 vjeç, për veprat penale “Tregtimi dhe transportimi i mallrave që janë kontrabandë”, “Shitja e paautorizuar e kartave sim”, “Fshehja e të ardhurave”, “Mospagimi i taksave dhe tatimeve”, dhe “Shkelja e të drejtave të pronësisë industriale”.
Gjatë kontrollit të ushtruar në subjektin e këtij shtetasi, shërbimet e Policisë, kanë gjetur dhe sekuestruar në cilësinë e provës materiale, 8 aparate celulare të ndryshëm, për të cilat nuk dispononte faturë tatimore, të dyshuar kontrabandë.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
