Gjatë pyetje-përgjigjeve, Berisha është pyetur nga një qytetar, nëse është pengesë për mposhtjen e regjimit të Edi Ramës shpallja e tij “non grata” nga SHBA.
Berisha i është përgjigjur qytetarit se Basha shkeli në 9 shtator, kur e përjashtoi nga Grupi Parlamentar, sovranitetin e Partisë Demokratike.
Berisha shtoi se presidentët amerikanë të hershëm, që kanë kontribuar në vendosjen e sovranitetit, nuk kanë kërkuar se kush duhet të qënrojë ose jo në Parlament në një vend sovran.
Ai shtoi se sekretari amerikan i shtetit i ka cënuar dinjitetin dhe se nga ai mund të pranojë vetëm falje publike.
Sipas Berishës, janë dy Amerika, ajo që e ka shpallur “non grata” dhe ajo e Republikanëve, që është simotër e PD-së.
Fjala e Berishës:
“Sali Berisha u godit vetëm për t’u bërë PD-ja shtojcë e PS. Por ne shtojcë nuk bëheshim. Ju më pyesni a fiton PD-ja me Sali Berishën në krye? Unë them fiton. Në 1998 kam pasur botën kundër dhe kemi fituar. Pse fitova? Se besova te e drejta, për asgjë tjetër. Nuk kam asnjë fuqi të veçantë unë, por fuqia ime qëndron aty që unë për një kauzë të drejtë luftoj deri në fund. Kush do vijë të garojë me mua është i mirëpritur, statuti ka përcaktime të sakta, po nuk fitova unë nuk fitova. Do respektoj plotësisht vendimin, por po fitova? Ta zëmë zgjedhjet lokale humbas. Do vij të votohem te ju. Po humba zgjedhjet e përgjithshme, kryetari, unë apo kushdo të jetë tjetër nuk do votohet dot më, do largohet të japë dorëheqjen të hapë garën. Po bëjmë ndryshim të jashtëzakonshëm”, u shpreh Berisha.
