Ish-missi i Shteteve të Bashkuara, Cheslie Kryst ndërroi jetë dje pasi u hodh nga dritarja e një pallati në New York City. Sipas familjes së saj, ajo kreu vetëvrasje në moshën 30-vjeçare.
“Me pikëllim të madh ju informojmë se Leslie jonë ka ndërruar jetë. Ajo kujdesej, e donte, qeshte dhe shkëlqeu. Ajo ka frymëzuar njerëzit në mbarë botën me bukurinë dhe forcën e saj. Ju lutemi respektoni privatësinë tonë në këto kohë të vështira”, tha familja.
Kryst gjithashtu ka punuar si prezantuese në kanalin amerikan Extra.
“Na janë thyer zemrat. Ajo nuk ishte vetëm pjesë e programit tonë. Ne e konsideronim atë një mike të ngushtë”, thanë kolegët e saj.
Para se ti jepte fund jetës, ajo postoi një foto në Instagram ku shkruante: “Kjo ditë ju sjellë prehje dhe paqe”.
/Priza.al/
