Andres Iniesta, mesfushori legjendar i Barcelonës dhe lojtari aktual i Vissel Kobe, e quajti Neymar një nga lojtarët më të mirë me të cilët ka luajtur në një intervistë për OneFootball:
“Mund të them vetëm gjëra të mira për Neymar. Për mua, ai është një nga lojtarët më të mirë që kam parë ndonjëherë dhe me të cilin kam ndarë dhomën e zhveshjes dhe fushën.
Ai është një makinë driblimi dhe pasimi. Mendoj se kur flasim për futboll po flasim për argëtim dhe shijim të lojës dhe lojtarëve. Dhe mendoj se të shikosh Neymar në fushë është sinonim i gjithë kësaj.”
Andres Iniesta luajti 140 ndeshje me Neymar, ata ndihmuan njëri-tjetrin të shënonin 9 gola. Iniesta u largua nga Barcelona një vit pasi Neymar iu bashkua PSG-së për 222 milionë euro.
