Deputeti i Partisë Demokratike Saimir Korreshi, ka reaguar në mënyrë ironike në lidhje me deklaratën e ministres së Bujqësisë Frida Krifca, e cila ka pohuar se do të hapet një akademi, duke ingranuar të rinjtë që të bëhen barinj.
Korreshi përmes një mesazhi në rrjetet sociale nuk ka kursyer ironitë dhe nënqeshjet për ministren e për iniciativën që do të marrë qeveria, ndërsa pyet nëse do të rimbursohen edhe gunat e leshit për barinjtë.
REAGIMI I DEPUTETIT
Hapet Akademia e Barinjeve! Pak dite me pare Kryebaresha me falni Ministresha e Bujqesise erdhi dhe festoj 100 vjetorin e Shkolles se Pare Bujqesore ne Lushnje. Paska qene me qitje te larget. Po kerkohen barinj dhe per te promuovuar kete nisme do hapim akademi.
O zot o zot ku ka shkuar kjo bote. Ministre Bujqesie qe ka lindur ne Bllok vetem kjo qeveri mund te kete. Zonja ministreshe po guna leshi do ti rimbursoni per barinjte e rinj ??
DEKLARATA E MINISTRES
Fondi do të shkojë për blegtorët. Po zonjë e dimë që blegtoria ka një rënie. S’do njeri që të bëhet bari atje në mal. Duan të bëjnë një profesion që është më i lehtë për ta. Pse nuk shkon ti të bëhesh bari?! Është e vështirë. Nuk është çështje shkolle. Është profesion i trashëguar, që duam ta ruajmë. Ça do bëjmë ne? Do të shkojmë të gjejmë të rinj. Do bëjmë një akademi për ta. Do t’i themi; “ti futu në këtë profesion, dhe ne do të subvencionojmë jo për krerë, por se ti mban tufën”.
/Priza.al/
