Një 19-vjeçar është plagosur dhe ka përfunduar në spital, si pasojë e një aksidenti automobilistik. Mësohet se ngjarja ka ndodhur mbrëmjen e sotme në Kamëz, në orën 20:30.
I riu ka qenë duke kaluar rrugën në rrugën “Besëlidhja”, kur një makinë me drejtues me inicialet F.P., e ka përplasur. Ai ndodhet jashtë rrezikut për jetën.
Njoftimi i policisë Tiranë:
Rreth orës 20:30, në rrugën “Besëlidhja” në Kamzë, mjeti me drejtues F. P ka aksidentuar këmbësorin shtetasin P. P., 19 vjeç, i cili ndodhet në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.
/Priza.al/
