Një aksident i rëndë ka ndodhur mesditën e sotme në rrugën Fier-Levan. Dy automjete ”Toyota” dhe ”Volkswagen” janë përplasur me njëra-tjetrën dhe aksi është bllokuar. Burime nga vendi i ngjarjes kanë bërë të ditur se, nga aksidenti janë plagosur 6 persona. Dy prej tyre janë në gjendje të rëndë.
Policia ndodhet në vendin e ngjarjes dhe po punon për zbardhjen e ngjarjes.
NJOFTIMI NGA POLICIA
Fier
Informacion paraprak
Sot rreth orës 14:10, në aksin rrugor Levan–Fier, janë përplasur automjetet tip “Toyota” dhe “Volkswagen”, ku për pasojë janë dëmtuar 2 drejtuesit dhe 4 pasagjerë, shtetasit S. G., 25 vjeç, E. M. 39 vjeç, F. Y. 33 vjeç, A. Y., 45 vjeçe, K. Y., 20 vjeç dhe P. Y., 53 vjeç, banues në Drizar, të cilët ndodhen në spital nën kujdesin e mjekëve.
Grupi hetimor po punon për zbardhjen e rrethanave të aksidentit.
/Priza.al/
