Një aksident i rëndë ka ndodhur në Maliq të Korçës, ku shtetasi me iniciale A. P., ka përplasur me automjetin e tij një 65-vjeçar, i cili po lëvizte më biçikletë.
Edhe pse u dërgua në spital, i moshuari nuk mundi ti mbijetojë plagëve.
Maliq/Informacion paraprak
Më datë 09.09.2022, rreth orës 14:55, në aksin rrugor Korçë-Pogradec, pranë fshatit Libonik, Maliq, shtetasi A. P., duke drejtuar mjetin tip “Ford” ka përplasur biçiklistin N. S., 65 vjeç, banues në fshatin Symiz, Maliq, i cili u dërgua në spitalin e Korçës, ku ka ndërruar jetë.
Me drejtuesin e mjetit po kryen veprimet e mëtejshme procedurale.
Grupi hetimor po punon për të sqaruar rrethanat dhe përcaktuar shkaqet e aksidentit.
