Një aksident me vdekje ka ndodhur në fshatin Zëmblak, Korçë.
Burime për median bëjnë me dije se një traktor është përplasur me një motor, ku për pasojë kanë ndërruar jetë të dy persona.
Viktimat janë shtetasit me iniciale A. Xh., 46-vjeç dhe H. K., rreth 58-vjeçe.
Policia ndodhet në vendin e ngjarjes.
Njoftimi i policisë:
Më datë 13.09.2022, rreth orës 17:00, në rrugën dytësore Zvezdë-Zëmblak, janë përshirë në një aksident rrugor mjeti tip motor me drejtues shtetasin A. Xh., 46 vjeç, me një mjet bujqësor me drejtues shtetasin I. K., 37 vjeç dhe pasagjere shtetasen H. K., rreth 58 vjeçe. Si pasojë e përplasjes kanë ndërruar jetë drejtuesi i motorit A. Xh. dhe pasagjerja e mjetit bujqësor shtetasja H. K.
Grupi hetimor ndodhet në vendngjarje dhe po punon për përcaktimin e shkaqeve të aksidentit.
