Një aksident ka ndodhur gjatë ditës në fshatin Qytezë Devoll, ku një fëmijë 13-vjeçar është përplasur nga një makinë.
Policia thekson se i mituri ndodhet në spital nën kujdesin e mjekëve, ndërsa është shoqëruar në polici i shoferit të mjetit.
Njoftimi i plotë:
Devoll/Informacion paraprak
Më datë 04.11.2022, rreth orës 15:05, në fshatin Qytezë, Devoll, shtetasi T. D., duke drejtuar mjetin tip “Benz”, ka aksidentuar një 13-vjeçar, këmbësor në rrugë, i cili u dërgua në spitalin e Korçës dhe ndodhet nën kujdesin e mjekëve.
Drejtuesi i automjetit, shtetasi T. D., është shoqëruar për veprime të mëtejshme procedurale.
Grupi hetimor po punon për përcaktimin e shkaqeve të aksidentit.
