Një aksident automobilistik ka ndodhur mëngjesin e sotme në kryqëzimin e Niklës, në Fushë-Krujë. Sipas njoftimit të policisë nga aksidenti kanë mbetur të lënduar drejtuesi i automjetit, shtetasi E. Ç. dhe pasagjerja në këtë automjet, motra e tij.
Të aksidentuarit janë nën kujdesin e mjekëve dhe ndodhen jashtë rrezikut për jetën.
Njoftimi i policisë:
Krujë/Informacion paraprak
Rreth orës 09:30, te kryqëzimi i Niklës, automjeti me drejtues shtetasin E. Ç., 26 vjeç, është përplasur me automjetin me drejtues D. F., 32 vjeç. Si pasojë e këtij aksidenti, kanë mbetur të demtuar drejtuesi i automjetit, shtetasi E. Ç. dhe pasagjerja në këtë automjet, motra e tij, shtetasja B. Ç., 22 vjeçe, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të këtij aksidenti.
