Një aksident rrugor ka ndodhur këtë mëngjes në Maliq të Korçës.
Mësohet se shtetasi me iniciale A. M., 27 vjeç ka humbur kontrollin e automjetit e për pasojë, makina ka dalë nga rruga.
I riu është dërguar për mjekim në Spitalin e Korçës.
Njoftimi i policisë:
Maliq/Informacion paraprak
Më datë 07.11.2022, rreth orës 07:30, në afërsi të fshatit Zvezdë, Maliq, shtetasi A. M., 27 vjeç, banues në fshatin Mançurisht, Devoll, dyshohet se ka humbur kontrollin mbi drejtimin e mjetit dhe mjeti ka dalë nga rruga. Për pasojë ky shtetas ka marrë lëndime dhe u transportua për mjekim në Spitalin e Korçës.
Grupi hetimor po punon për përcaktimin e shkaqeve të aksidentit.
