Një aksident i rëndë ka ndodhur mëngjesin e kësaj të enjteje në fshatin Kurjan të Roskovecit.
Mësohet se një makinë është përplasur me një motor dhe si pasojë ka ndërruar jetë drejtuesi i motomjetit.
Bëhet me dije se viktimë ka mbetur 80-vjeçari i identifikuar si Irfan Caushi, ndërkohë shoferi është identifikuar si Ismet Verezi.
Njoftimi i policisë
Fier / Informacion paraprak
Sot, rreth orës 09:30, në Kurjan, Roskovec, shtetasi I. M., 56 vjeç, banues në Vlosh, duke drejtuar automjetin tip “Autobus”, është përplasur me motomjetin me drejtues shtetasin I. C., 80 vjeç, banues në Roskovec, i cili ka ndërruar jetë.
Nga pasagjerët në autobus, nuk ka të lënduar. Shtetasi I. M. është shoqëruar në Komisariat dhe po kryhen veprimet procedurale.
Grupi hetimor po punon për zbardhjen e rrethanave të aksidentit.
