Një ngjarje e rëndë ka ndodhur ku një 36-vjeçar ka humbur jetën ditën e djeshme pas një aksidenti në Appiano, Bolzano.
Aksidenti ka ndodhur pak minuta pas orës 14:00 në autostradë, kur furgoni i drejtuar nga Besmir Sadiku, resident në Appiano është përplasur me një kamion TIR, pavarësisht sinjalizimeve për rrezik të trafikut të mjeteve të rënda në rrugë.
Pjesa e përparme e furgonit u palos e gjitha rreth trupit të Sadikut, duke mos i lënë asnjë shans për të jetuar.
Në vendngjarje mbërritën menjëherë ekipet e urgjencës që e nxorën me shpejtësi trupin e shqiptarit, ndërkohë që mbërriti dhe helikopteri për ta transportuar në spital, por gjithçka ishte e kotë, pasi ai kishte vdekur në vend pas përplasjes.
