Në aksidentin tragjik në Fushë-Prezë humbën jetën katër të rinjtë që udhëtonin me makinën tip “Benz”.
Dyshohet se ata po lëviznin me shpejtësi të lartë dhe pasi u përplasën me betonieren makina e tyre shpërtheu në flakë dhe dy vëllezërit Enejd dhe Erildi Laçi, kushëriri i tyre Andi Laçi si dhe shoku Enrikejd Kurti u dogjën brenda.
Në vendngjarje nuk ka shenja frenimi dhe kjo tregon se drejtuesi i mjetit nuk ka frenuar fare dhe më pas ka përplasur nga pas betonieren.
Gjithashtu mësohet se drejtuesi i betonieres 24-vjeçari Aleksandër Krrashi nuk ka patentë për të drejtuar mjete të tonazhit të rëndë.
Ndërkohë pritet përgjigjja nga mjekësia ligjore për të parë nëse të rinjtë kanë qenë nën efektin e alkoolit apo të lëndëve narkotike.
