Gjykata ka vendosur masën e sigurisë “arrest me burg” për ish-drejtoreshën në OSHE, Albana Ferraj.
Ferraj u arrestua pak ditë më parë, ndërsa ishte shpallur në kërkim për korrupsion dhe ryshfet në vlerën rreth 131 mijë euro.
Ajo akuzohet për favorizimin e një kompanie italianë në një tender në vitin 2016, duke marrë rreth 131 mijë euro ryshfet.
Tenderi për shërbim-konsulence për energjinë elektrike u zhvillua në vitin 2016 dhe sipas akuzës ka qenë Albana Ferraj që ka arkëtuar shumën nëpërmjet një kompanie të tretë.
Ferraj bashkëpunonte me 3 zyrtarë të OSHEE-së, të cilët u vunë në pranga në tetor të vitit 2020. Ata janë ish drejtori i prokurimeve të OSHEE, Elis Bushati, si dhe 2 ish-zyrtaret Athinta Papa e Irma Derhiri.
