Prej ditësh po diskutohet për një bashkim palësh brenda Partisë Demokratike, por ende pa asnjë rezultat.
Enkelejd Alibeaj, kryetari i grupit ka autorizuar ditën e djeshme sekretarin e grupit të PD-së, Albi Agalliun. Ky i fundit do t’i duhet të njoftojë deputetët që sot, vetëm një orë para seancës plenare, të mblidhet Grupi Parlamentar.
Mesazhi i kryetarit Alibeaj, mesa duket ka mbërritur vetëm tek 9 deputetët e PD-së, të cilët u pezulluan muaj më parë. Por kjo ftesë nuk ka shkuar tek Sali Berisha, Flamur Noka, Albana Vokshi, Edmond Spaho dhe Luan Baçi.
Por edhe për prezencën e të përjashtuarve në mbledhjen e kësaj të enjteje ka pasur negociata mes anëtarëve të Komisionit të Rithemelimit dhe kreut të grupit parlamentar, Alibeaj.
Mesa shihet, kriza në PD po pasqyrohet edhe në seli.
