Epidemiologu Ilir Alimehmeti ka folur lidhur me situatën e pandemisë së koronavirusit në vendin tonë. I ftuar në “ABC Live”, Alimehmeti ka theksuar se shifrat tregojnë se ka një ulje të numrit të të infektuarve, por megjithatë parashikon një tjetër valë për shkak të mutacionit “Delta” që po qarkullon në vend duke bërë që në mesin e tetorit të kemi një situatë të stabilizuar. Sipas mjekut varianti Delta është ai që është mbizotërues, teksa shton se mund të ketë një valë tjetër.
“Në këtë moment rastet janë në rënie dhe numri i pacientëve të shtruar, po ashtu normalisht do të bie dhe numri i viktimave. Por mund të ketë një valë tjetër, por kjo mundësi është më e vogël se pranverën e kaluar, të cilat lidhen kryesisht me variante të reja por fatmirësisht për momentin në shkallë globale nuk ka një variant të ri. Delta krahas variantit alfa tek ne ka diferencë madhore mjafto që të kujtojmë diskutimet në shkurt dhe në shtator. Mund të ketë raste por 98% e rasteve janë Delta, varianti Mu ne e kemi parë që në janar më parë që nuk u hap siç ndodhi me Deltën që u shfaq në fund të marsit e cila po mbizotëron dhe variantin mu. Ne nuk mund të parashikojmë një valë tjetër pa u shfaqur, një shenjë për rifillim vale. Mund të ketë vatra të vogla të vazhdueshme, hapësira që ka virusi për të krijuar variante të reja është ezauruar. Ne sa herë që kemi një rënie të valës ne theksojmë imunitetin,”- ka thënë doktori.
Po ashtu, ndër të tjera në fjalën e tij gjatë intervistës, Alimehmeti ka komentuar edhe humbjen e jetëve të grave shtatzëna nga pandemia, duke shtuar se është imuniteti i tyre “fajtori”.
“Numri spitalor sot në Infektiv ishte 155 dhe 230 një javë më parë ka një rënie, dhe është e vetmja shifër që raportohet, dhe të sëmurët e tjerë në spitalet e tjera nuk raportohen. Risku i një gruaja shtatzënë është më i lartë se një grua në të njëjtën moshë. Shqipëria ka 28 deri në 30 mijë lindje, ne nuk e dimë sesa janë në terren të sëmura, por mbetet për të theksuar se gratë shtatzëna që janë moshë të re janë më pak të rrezikuara se moshat e vjetra dhe më të rrezikuara se një grua e moshës së tyre, pasi një grua shtatzënë është shumë e lodhur duhet ta pranojmë këtë”, ka thënë ai.
/Priza.al/
