Amerikanët janë populli i lirive dhe i demokracisë dhe e dinë mjaftë mirë se çfarë do të thotë që t’u imponosh dhe t’u kërkosh me detyrim të bëjnë atë që nuk e duan.
Kjo gjë duket se po ndodh edhe me vaksinimin kundër flamës, për të cilën qytetarët amerikanë po e refuzojnë masivisht pasi e kanë kuptuar lojën që po bëhet nga një pakicë.
As lavazhi i trurit që po u bëjnë mediat e mëdha dhe as thirrjet e qeverisë federale dhe të Presidentit Biden, nuk i detyrojnë dot amerikanët që të ndërrojnë mendje, gjë të cilën janë gati ta mbrojnë edhe me armë.
Nisur nga kjo, Shtëpia e Bardhë ka vendosur që shumë sasi të vaksinave që duket se do të mbeten stok në frigoriferët e spitaleve, të nisin ti dhurojnë.
Kështu, Shtetet e Bashkuara kanë nisur 22 milionë doza të vaksinës kundër koronavirusit në shtetet tjera këtë javë, teksa një sondazh ka treguar se shumica e amerikanëve të pavaksinuar, kanë thënë se nuk duan të imunizohen.
Të 22 milionë dozat janë dërguar në 23 shtete, ka thënë zëdhënësja e Shtëpisë së Bardhë, Jen Psaki më 23 korrik.
“Deri në fund të javës, gati 80 milionë doza vaksinash do të dërgohen nga SHBA-ja në vendet tjera, ka shtuar ajo.
Shtetet e Bashkuara “janë duke dhënë donacion më shumë vaksina sesa secili vend tjetër”,- sipas Psakit.
Megjithatë, ende ekziston hapësirë e konsiderueshme në sasinë e vaksinave që kanë vendet e pasura kundrejt atyre që janë të varfra.
Sondazhin me personat e pavaksinuar në SHBA, e ka realizuar Associated Press dhe Qendra kërkimorë NORC.
Ato kanë gjetur se 35% e të rriturve, që nuk kanë marrë vaksina, kanë thënë se me siguri nuk do ta bëjnë një gjë të tillë, dhe 45 për qind kanë thënë se janë të bindur që nuk do të imunizohen.
Shumica prej tyre kanë thënë se dyshojnë se vaksina funksionon kundër variant Delta, pavarësisht të dhënave se vaksinat janë tejet efektive kundër tij.
Gjetjet kanë vënë në pah sfidat me të cilat përballet sistemi shëndetësor dhe Qeveria, teksa rritet numri i të infektuarave në gati të gjitha rajonet e SHBA-së.
Presidenti amerikan, Joe Biden, u ka bërë thirrje amerikanëve të vaksinohen, duke thënë se koronavirusi tani është pandemi në mesin e të pavaksinuarve.
Në nivel kombëtar, 56% e popullsisë amerikane ka pranuar të paktën një dozë të vaksinës, sipas Qendrave për Kontrollin dhe Parandalimin e Sëmundjeve.
Varianti tejet ngjitës Delta, ka rritur numrin e të infektuarve me koronaviurus këtë javë në nivel global.
Numri total i të infektuarve ka rritur në 193 milionë, ndërsa i viktimave në 4.1 milionë.
/Burimi: REL/
