Mënyra se si jetojmë, duke përfshirë dietën tonë, mund të ndihmojë në përcaktimin se sa të shëndetshëm jemi. Pjesa më e madhe varet nga gjenetika dhe disa sëmundje ose probleme janë të trashëguara, por varet gjithashtu nga ajo që hamë dhe pimë.
Shumë nga një gjë, ose shumë pak, mund të na sëmurin në mënyra të ndryshme. Sigurisht që ka shumë zgjedhje diete që mund të na ndihmojnë të zvogëlojmë rrezikun për të pasur një problem serioz shëndetësor si një atak në zemër. Studimet kanë treguar se mënyra se si e hamë mëngjesin mund të na shkaktojë probleme në të ardhmen.
A mund të rrisë rrezikun e një ataku kardiak anashkalimi i mëngjesit?
Një studim ka zbuluar se meshkujt që e anashkalojnë mëngjesin kanë një rrezik më të lartë për një atak në zemër. Hulumtimi zbuloi se burrat që e anashkalojnë mëngjesin janë 27 për qind më të rrezikuar të pësojnë një atak në zemër ose të zhvillojnë sëmundje të zemrës.
Besohet gjithashtu se probleme të tjera shëndetësore mund të ndodhin si rezultat i këtij tipari të zakonshëm të të ngrënit.
“Burrat që e lënë mëngjesin kanë më shumë gjasa të shtojnë peshë, të zhvillojnë diabet, të kenë hipertension dhe të kenë kolesterol të lartë”, tha Eric Rimm, autor dhe profesor i asociuar i epidemiologjisë dhe të ushqyerit në Shkollën e Harvardit.
/Priza.al/
