Anija kozimike niset për në hënë me 29 gusht

Programi Artemis i NASA-s për t’u rikthyer në Hënë mund të nisë fluturimin e tij të parë testues pa ekuipazh më 29 gusht.
Vendimi vjen pas kontrolleve përfundimtare në terren në Qendrën Hapësinore Kennedy në Florida.
I fundit nga këto teste, i kryer në qershor, përmbushi 90 për qind të objektivave të ekipit.
Artemis-1 është vendosur të udhëtojë rreth anës së largët të Hënës në një mision që zgjat katër deri në gjashtë javë – më shumë se çdo anije për astronautët që ka bërë pa u ankoruar, përpara se të kthehet në shtëpi më shpejt se çdo anije më parë.
Ai gjithashtu do të vendosë një numër satelitësh të vegjël të quajtur CubeSats për të kryer eksperimente në hapësirë.
Menaxheri i misionit Artemis, Mike Sarafin u tha gazetarëve se “objektivi ynë i parë dhe kryesor është të demonstrojmë mburojën e nxehtësisë së Orionit në kushtet e rihyrjes hënore”.
Kur kapsula të kthehet nga Hëna, ajo do të udhëtojë rreth 24 mijë e 500 milje në orë dhe do të përjetojë temperatura gjysmë më të nxehta se Dielli jashtë mburojës së tij të nxehtësisë.
Objektivi i dytë është të demonstrojë aftësinë e fluturimit të raketës dhe kapsulës së ekuipazhit ndërsa ata kryejnë të gjitha manovrat e tyre gjatë misionit.
Më në fund, NASA do të kërkojë të marrë me sukses Orionin pas spërkatjes dhe ta inspektojë atë tërësisht.