Hyrja e Antonelës në BBV është shoqëruar me diskutime të shumta. Një pjesë e mirë thonë që ajo nuk duhej të ishte pjesë e këtij formati, pasi ajo nuk është VIP, kanë thënë publiku jasht. Madje edhe vetë banorët janë shprehur se ajo nuk është një VIP, dhe se thjeshtë u bë e njohur nga programi ku ajo ishte pjesë e ‘Përputhen’ dhe se nuk u bë e njohur për profesionin që ka. “A është VIP për ty Antonela”, ishte një nga pyetjet që iu bënë Balina Bodinakut ditën e sotme në emisionin “Goca dhe Gra”.
“Duhet të bëjmë një pakt fjale, çfarë është VIP? Sepse ka shumë përkufizime dhe në përkufizime të ndryshme. Unë nuk e mas suksesin e njerëzve me followers në Instagram, është ofenduese ta themi dhe zhgënjyese që disa nga banorët aty e kanë artikuluar aq fort këtë gjënë. Edhe për vetë personin që ti i referohesh si VIP duke i vënë në dukje se ti je VIP se ke 300 mijë ndjekës është ofenduese. Sepse unë si Balinë do doja të kisha një kontribut përtej asaj. Do doja të vlerësohesha për atë në radhë të parë dhe nëse më vlerësojnë për atë, mirë se të vijnë. Por nuk e ndjek suksesin me atë. Duke përdorur fjalën VIP ne jemi duke krijuar një model.
/Priza.al/
