Gjatë rubrikës ‘Shihemi në Gjyq’, Ardit Gjebrea ka ndërhyrë teksa tregoi një moment të sikletshëm që ka kaluar kohë më parë. Ai ka kujtuar momentin kur iu desh që të prezantonte aktoren e madhe, Ornela Mutin, mirëpo kishte frikë se si do të reagonte publiku.
Gjebrea theksoi se kishte merakun nëse spektatorët do të qeshnin kur të përmendej emri i artistes së madhe.
“E di dhe unë të mirëkuptoj sepse të njëjtin problem kam patur unë kur kam patur të ftuar Ornela Mutin, aktoren e madhe në skenë dhe për ta prezantoja kisha një siklet të jashtëzakonshëm se si do ta prezantoja? Sigurisht që e prezantova, por kisha merakun e spektatorëve se mund të qeshnin, se mund të bënin dhe kjo mua më ndodhi vetëm njëherë në skenë. Okej, unë jam artist, e bëj dhe publiku është i kulturuar dhe e kupton…”,- tregoi ndër të tjera Ardit Gjebrea.
Rikujtojmë se, së fundmi, moderatori dhe producenti i njohur Ardit Gjebrea, i është kundërpërgjigjur deklaratave të këngëtarit Endri Prifti. Prifti njoftoi përmes një statusi se nuk do të ishte pjesë e “Kënga Magjike” këtë vit, pa dhënë një arsye konkrete, por duke shkruar se “as vetë s’e morëm vesh.” Gjithashtu ai shkroi se fituesi përzgjidhet 5 muaj para nga ‘byroja.’
Nga ana tjetër Ardit Gjebrea ka rishpërndarë statusin e Endri Priftit, duke shkruar se ai nuk ka respektuar rregullat e “Kënga Magjike”, duke mos dorëzuar këngën në datën e caktuar.
