Mikel Zaho, ish-juristi i Kadastrës së Durrësit, u arrestua për herë të tretë pas përfshirjes në një skemë korrupsioni që ka çuar në tjetërsimin e mbi 139 mijë m² tokë në zonën e Spitallës.
Hetimet e nisura pas denoncimit të një qytetari kanë zbuluar se Zaho dhe 5 persona të tjerë kanë manipuluar dokumente dhe përdorur dëshmitarë të rremë për të përfituar paligjshëm nga toka.
Prokuroria po heton skemën që ka përfshirë ish-zyrtarë të lartë dhe personel të Kadastrës, ndërsa dyshimet janë për shpërdorim detyre dhe falsifikim dokumentesh.
